Si cerca de la biblioteca teneis un jardín ya no os faltará nada. Marco Tullio Cicerón.

27 jun. 2017

O CLUB DE LECTURA "VAL DOS LIBROS" NA REVISTA EDUGA

No último número da Revista Galega de Educación- EDUGA nº 73- aparece publicado un artigo sobre a traxectoria do Club de Lectura do noso IES - VAL DOS LIBROS-.

eduga/1378/hora-ler/val-dos-libros-club-lectura-do-ies-ponte-caldelas-percorrendo-caminos
 
                              Para ler o artigo e ver as imaxes contidas nel, pinchade na imaxe

21 jun. 2017

RECOMENDACIÓNS PARA O VERÁN 2017

Chega o verán e o descanso e as nosas recomendacións de lectura. 
Non quedes sen ler.
Non quedes sen imaxinar.
Preme na imaxe para ver as recomendacións

https://issuu.com/pilarrubio4/docs/recomendaci__ns_ver__n_2017_ies_pon

20 jun. 2017

X XORNADA DOS CLUBS DE LECTURA

X Xornada dos Clubs de Lectura 
O 17 de xuño de 2017 celebrouse en Santiago de Compostela a  X Xornada dos Clubs de Lectura, na que estivo presente o noso centro grazas aos clubs de lectura deste curso 2016-17.
Este ano,  un dos autores máis lidos nestes clubs é Miguelanxo Prado quen recibiu  o Premio dos Clubs de Lectura pola súa contribución ao impulso da lectura en galego entre o alumnado de secundaria.

Na nosa biblioteca podes encontrar algunhas das súas obras.


5 jun. 2017

"ALUMA EN FEMININO" (2017): Clotilde Fernández Orge: a muller que alumeou unha vila

    Dende o curso 2014-15 O Grupo de Dinamización da Convivencia coa colaboración do Deparatamento de Orientación veñen convocando o premio "Aluma en Feminino" co obxectivo de recoñecer a mulleres, homes ou institucións que realizen ou realizaran actividades a prol da igualdade de xénero ou ben por seren exemplos a seguer pola súa actividade na contorna do IES.
      No presente curso 2016-17 o premio "Aluma en Femenino" veu a recaer en Dona Clotilde Fernández Orge (1864-1921) unha muller "empresaria" na vila de Ponte Caldelas nos derradeiros anos do século XIX. 
         A candidatura desta muller foi presentada ao Grupo de Dinamización polo alumnado de 2º ESO B, baixo a dirección do seu titor- Alfonso Díaz- e o Grupo de Dinamización e o Departamento de Orientación desenvolveron este proxecto do que serven de exemplo os seguintes videos:

Acto homenaxe no IES de Ponte Caldelas.


Clotilde Fernandez Orge : a muller que alumeou unha vila. 
 (video-biográfico)

28 may. 2017

XORNADA DE ACOLLIDA 2016-2017


Un ano mais recibimos ao alumnado dos colexios adscritos ao noso IES nunha xornada na que teñen a oportunidade de coñecer o que vai ser o seu Centro educativo no vindeiro curso.
Unha actividade organizada polo Grupo de Convivencia e polos Departamentos de Orientación e Educación Plástica e Visual na que colabora tamén a Biblioteca.
 


https://docs.zoho.eu/show/open/mcqjj0fbd00cb71d049a3a4d080d4a2f4a9d8

Fai click na imaxe para ver a presentación desta xornada.

12 may. 2017

DÍA DO COMIC. Banda Deseñada e Guernica

O departamento de Educación Plástica e Visual preparou un cartaz recreando o cadro Guernica de Picasso.  Pediron á biblioteca a adquisición de algúns volumes de banda deseñada, que se pode ver na foto. Ademais, dende a biblioteca engadimos algúns outros libros de beleza excepcional, non só pola historia que contan, senón tamén pola plasticidade das imaxes. Enmarcamos a actividade dentro da celebración do día do comic o 10 de maio

18 abr. 2017

CHARLA: FÍSICA RE-CREATIVA



O día 27 de abril o departamento de Física e Química ten  previsto realizar na biblioteca do IES unha charla sobre Física Re-Creativa: ondas e cor na ciencia, na enxeñería e na vida, impartida polo investigador da Universidade  de Vigo José Benito Vázquez Dorrío, membro da organización científica Scientix. Esperamos a todo o alumnado de 1º e 2º Bacharelato de Física e Química.
Link á páxina de SCIENTIX 

27 mar. 2017

DÍA MUNDIAL DA POESÍA

O 21 de marzo foi o día mundial da poesía e non quixemos deixar pasar esta data sen que os poemas entrasen na nosa mente e quedasen na nosa imaxinación. Un pequeno grupo de alumn@s de 2 ESO reunímonos na biblioteca para explorar as obras de poetas de todo o mundo. Co verso favorito de cada quen, formamos un poema e démoslle título. O último paso foi crear entre tod@s un poema novo. 
video

O alumno Alberto Domínguez Barreiro (2ESOA) lendo un dos poemas da obra Makinaria de Carlos Negro.

15 mar. 2017

ARTE RUPESTRE GALEGA, candidata á Patrimonio da Humanidade pola UNESCO

O 14 de marzo tivo lugar no salón de actos do noso instituto a presentación da Candidatura á Patrimonio da Humanidade pola UNESCO da Arte Rupestre Galega.Presentouse o video "Gravados na rocha", realizado polo alumnado do centro baixo a dirección da profesora dona Pilar Rubio. A continuación don Buenaventura Aparicio, historiador e investigador, e don Rafael Quintía, antropólogo e divulgador deron unha conferencia sobre A ARTE RUPESTRE GALEGA, UN PATRIMONIO AMEAZADO. Os alumnos de 1º e 2º ESO colaboraron con estes actos cos seus traballos sobre arte rupestre e a biblioteca aportou volumes que permiten ampliar coñecementos sobre a materia. 



 Gracias a tod@s polo esforzo!!!



7 mar. 2017

MULLERES NA NOSA BIBLIOTECA

Co motivo da celebración do día da muller traballadora, 8 de marzo, presentamos esta escolma de mulleres escritoras e algunhas das suas obras que podes ler na biblioteca do centro. Powered by emaze